عمران خان کی کال پر کوئی ہنگامہ اور احتجاج نہیں ہوا، رانا ثنا اللّٰہ

مسلم لیگ ن کے رہنما رانا ثنا اللّٰہ کا کہنا ہے کہعمران خان کی کال پرکوئی ہنگامہ اور احتجاج نہیں ہوا، ساڑھے 3 سال ان کے جو اعمال رہے ان کا حساب دینا ہوگا۔

پارلیمنٹ ہاؤس کے باہر میڈیا سے گفتگو کرتے ہوئے رانا ثنا اللّٰہ کا کہنا ہے کہ رات کے اندھیرے میں کارروائی نہیں کررہے،دن کے اجالے میں جمہوری عمل سے گھر بھیج رہے ہیں۔

انہو ں نے کہا کہ نااہل اورنالائق حکومت کا خاتمہ جمہوری طریقے سے ہونے جارہا ہے، کوئی شب خون نہیں مارا جائے گا، وہ وزراء جو سرکاری پروٹوکول میں وحشی دکھائی دیتے تھے اب بھیگی بلی بن جائیں گے۔

ان کا یہ بھی کہنا تھا کہ استعفوں کا سرپرائز دیں تو لگ پتہ جائےگا کہ ان کی عوام میں کیا مقبولیت ہے،مسلم لیگ ن کی خواہش اور موقف یہ ہے کہ جلد ازجلد الیکشن ہوں۔

رانا ثنااللہ نے کہا کہ اس بار شیخ رشید کو حکومت میں شامل نہیں کیا جائے گا، شیخ رشید کو 1985 سے اپنے اعمال کا حساب دینا پڑے گا۔

بشکریہ جنگ