عمران خان کی ریلی پر مریم اورنگزیب کا تبصرہ

وفاقی وزیر اطلاعات و نشریات مریم اورنگزیب نے کہا ہے کہ فارن فنڈڈ فتنہ خود گاڑی سے خطاب اور لوگوں کو گرمی میں چلا کر بےحال کر رہا ہے۔

اسلام آباد سے جاری بیان میں مریم اورنگزیب نے کہا کہ گاڑی میں بیٹھ کے پوچھ رہا ہے لگتا ہے آپ لوگ تھک گئے ہیں؟

انہوں نے مزید کہا کہ کیسا بےحس اور بےشرم بندہ ہے! مگر کیا کرے کیسے نکلے گاڑی سے باہر؟

وفاقی وزیر نے یہ بھی کہا کہ دو کروڑ لوگوں کو غربت کی لکیر سے نیچے دھکا دینے والا گاڑی سے باہر نہیں نکل سکتا۔

ان کا کہنا تھا کہ اس کو پتہ ہے مزدوروں کے ساتھ اپنی حکومت میں کیا کیا ہے۔

بشکریہ جنگ