عمران خان کنٹینر سنبھال کر رکھیں کیا معلوم اسے سب جیل قرار دیا جائے، پلوشہ خان

پاکستان پیپلز پارٹی (پی پی پی) کی رہنما سینیٹر پلوشہ خان کا کہنا ہے کہ بلاول بھٹو زرداری کا لانگ مارچ اسلام آباد پہنچے گا تو لگ پتہ جائے گا، عمران خان کنٹینر سنبھال کر رکھیں کیا معلوم اسے سب جیل قرار دیا جائے۔

فواد چوہدری کی پریس کانفرنس پر ردِعمل دیتے ہوئے سینیٹر پلوشہ خان نے کہا کہ فواد چوہدری چمچہ بن کر صفر کارکردگی کے مستحق ٹھہرے۔

سینیٹر پلوشہ خان نے کہا کہ فواد چوہدری معافیاں مانگنے اور لوٹا بننے کی مہارت رکھتے ہیں۔

 پلوشہ خان نے مزید کہا کہ اب ہر کسی کو اپنے کیے کا حساب دینا ہوگا، عمران خان کے الوداعی دورے شروع ہو چکے ہیں۔

بشکریہ جنگ