عمران خان کا لاہور کے جلسے سے متعلق خصوصی پیغام

چیئر مین پاکستان تحریک انصاف ( پی ٹی آئی) عمران خان کی جانب سے کل بروز جمعرات كو لاہور میں ہونے والے جلسے کے حوالے سے خصوصی پیغام جاری کیا گیا ہے۔

سابق وزیر اعظم عمران خان کا لاہور جلسے سے متعلق شیئر کیے گئے نئے ویڈیو پیغام میں کہنا ہے کہ ’وہ کل لاہور میں مینارِ پاکستان میں پاکستان کی تاریخ کا سب سے بڑا جلسہ کرنے جا رہے ہیں، وہ اس جلسے میں ہر طبقے سے تعلق رکھنے والے عوام کو دعوت دیتے ہیں، آئیں اور اس جلسے میں شرکت کے اسے کامیاب بنائیں۔‘

عمران خان نے کہا ہے کہ ’وہ اس جگہ پر اس لیے جلسہ کر رہے ہیں کیوں کہ اسی جگہ پر 1940ء میں قرار داد پاکستان پاس کی گئی تھی، جہاں ہندوستان کے مسلمانوں نے فیصلہ کیا تھا کہ ہم ایک آزاد ملک میں رہنا چاہتے ہیں جس کا نام پاکستان ہے۔‘

انہوں نے مزید کہا کہ ’جو پاکستان کو خوددار اورخود مختار دیکھنا چاہتے ہیں میں ہر اُس پاکستانی کو کل لاہور کے جلسے میں دعوت دیتا ہوں، آپ سب میرے ساتھ شامل ہوں تاکہ ہم اس جدو جہد کا آغاز کریں۔‘

بشکریہ جنگ