عمران خان کا دل رکھنے کیلئے مونس الہٰی نے کچھ فقرے کہے: طلال چوہدری

مسلم لیگ نون کے رہنما طلال چوہدری کا کہنا ہے کہ وزیرِ اعظم عمران خان کا دل رکھنے کے لیے مونس الہٰی نے کچھ فقرے کہہ دیے۔

یہ بات مسلم لیگ نون کے رہنما طلال چوہدری نے ’جیو نیوز‘ کے مارننگ شو ’جیو پاکستان‘ میں گفتگو کرتے ہوئے کہی۔

انہوں نے کہا کہ سیاستدان دل اور اسٹریٹجی کی بات سب کے سامنے نہیں کرتے۔

ن لیگی رہنما طلال چوہدری نےوزیراعظم عمران خان کے معاون خصوصی شہباز گل کو امریکی عدالت کا بھگوڑا کہہ دیا۔

طلال چوہدری نے کہا کہ پی ڈی ایم کمیٹی بنا رہی ہے، جو تین چار روز میں تمام جماعتوں سے ملے گی۔

رہنما نون لیگ طلال چوہدری کا یہ بھی کہنا ہے کہ لگ رہا ہے کہ اتحادی جماعتیں آزادانہ فیصلے کریں گی۔

بشکریہ جنگ