عمران خان نے قومی کرکٹرز کی ’وِننگ سیلفی‘ شیئر کردی

پاکستان کے موجودہ وزیراعظم عمران خان نے ٹی ٹوئنٹی ورلڈ کپ میں نیوزی لینڈ کے خلاف کامیابی کے بعد قومی کرکٹرز کی وِننگ سیلفی سوشل میڈیا پر شیئر کردی۔

فوٹو اینڈ ویڈیو شیئرنگ ایپ انسٹاگرام پر وزیراعظم عمران خان نے قومی کرکٹرز کی سیلفی شیئر کی ہے جوکہ گزشتہ روز نیوزی لینڈ کو شکست دینے کے بعد لی گئی تھی۔

A post shared by Imran Khan (@imrankhan.pti)

انسٹاگرام پر شیئر کی گئی سیلفی میں قومی کرکٹرز اپنی شاندار جیت کا جشن مناتے ہوئے نظر آرہے ہیں۔

وزیراعظم عمران خان نے قومی کرکٹرز کی وِننگ سیلفی شیئر کرتے ہوئے پاکستان کی شاندار فتح پر مبارکباد دی۔

عمران خان نے کہا کہ ’قومی ٹیم کی بولنگ ایک بار پھر شاندار رہی، ایک عمدہ ٹیم ہار کی صورت میں اپنی غلطیوں کا جائزہ لے گی۔‘

نیوزی لینڈ نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 134 رنز بنائے تھے۔

اُنہوں نے مزید کہا کہ ’ایک عظیم ٹیم جیتنے پر بھی اپنے کھیل کا مکمل تجزیہ کرتی ہے۔‘

واضح رہے کہ پاکستان نے نیوزی لینڈ کو ورلڈ کپ کے دوسرے میچ میں 8 گیندوں قبل ہی 5 وکٹوں سے شکست دی تھی۔

بشکریہ جنگ