عمران خان نے الیکشن کمیشن کو مراسلے میں کیا لکھا؟

چیئرمین پی ٹی آئی عمران خان کا الیکشن کمیشن سے کہنا ہے کہ منحرف اراکین کےخلاف آرٹیکل 63 اے کے تحت کارروائی کیلئے ریفرنسز دائر کیے جا چکے، پی ٹی آئی کےمخصوص نشستوں پر خواتین اور اقلیتی ممبران کے نام واپس لیتا ہوں۔

عمران خان کی جانب سے الیکشن کمیشن کو مراسلہ ارسال کیا گیا ہے جس میں ان کا کہنا ہے کہ پی ٹی آئی پاکستان کی سب سے بڑی سیاسی جماعت ہے۔

مراسلے کے متن میں کہا گیا ہے کہ وفاق، صوبوں میں پاکستان تحریک انصاف کو سب سےزیادہ ووٹ ملے، اسی تناسب سےقومی اسمبلی میں مخصوص نشستوں پر خواتین، اقلیت ارکان کو نامزد کیا گیا۔

عمران خان کا مراسلے میں کہنا ہے کہ غیر ملکی سازش کے باعث پاکستان میں حکومت تبدیل کی گئی، امپورٹڈ اور غیر آئینی طریقے سے بنائی حکومت کو تسلیم نہیں کرتا۔

انہوں نے مزید کہا کہ پی ٹی آئی 11 اپریل کو قومی اسمبلی کی تمام نشستوں سے مستعفیٰ ہوچکی ہے۔

بشکریہ جنگ