عمران خان نگران وزیرِ اعظم کیلئے اپوزیشن لیڈر سے مشاورت کرینگے
حکومتی ذرائع نے بتایا ہے کہ صدرِ مملکت ڈاکٹر عارف علوی کی جانب سے قومی اسمبلی توڑے جانے کے بعد وزیرِ اعظم عمران خان نگران وزیرِ اعظم کے لیے اپوزیشن لیڈر شہباز شریف کو خط لکھ رہے ہیں۔
حکومتی ذرائع نے بتایا ہے کہ وزیرِ اعظم عمران خان اپوزیشن لیڈر شہباز شریف کی مشاورت سے نگراں وزیرِ اعظم کا اعلان کریں گے۔
حکومتی ذرائع نے یہ بھی بتایا ہے کہ خط لکھ کر آئینی ضرورت کو پورا کیا جا رہا ہے۔
دوسری جانب فواد چوہدری کا جاری کیے گئے ایک بیان میں کہنا ہے کہ کابینہ تحلیل کر دی گئی ہے۔
فواد چوہدری کا یہ بھی کہنا ہے کہ آئین کے آرٹیکل 224 کے تحت وزیرِ اعظم عمران خان اپنی ذمے داریاں جاری رکھیں گے۔
واضح رہے کہ صدرِ مملکت ڈاکٹر عارف علوی نے وزیرِ اعظم عمران خان کی تجویز پر قومی اسمبلی تحلیل کر دی ہے۔
اس سے قبل آج ہی وزیرِ اعظم عمران خان نے صدرِ مملکت ڈاکٹر عارف علوی کو اسمبلیاں تحلیل کرنے کی تجویز بھیجی تھی۔
Comments are closed.