عمران خان لانگ مارچ کی تاریخ کب دیں گے؟ شیخ رشید نے بتا دیا

سابق وزیرِ داخلہ شیخ رشید کا کہنا ہے کہ آج کے الیکشن کے بعد توقع ہے کہ اگلے اتوار تک عمران خان لانگ مارچ کی تاریخ دیں گے۔

راولپنڈی میں میڈیا سے گفتگو کرتے ہوئے شیخ رشید نے کہا کہ نیب کیسز دفن کرنے والوں کی آج شام سیاست دفن ہونے جا رہی ہے۔

انہوں نے کہا کہ 30 اکتوبر تک بہت کچھ ہو جائے گا، آر کرو یا پار کرو، ادھر کرو یا ادھر کرو، ضمیر اور ملک کی سلامتی کے لیے عمران خان کے ساتھ ہیں۔

آج ہونے والے ضمنی انتخابات میں قومی اسمبلی کے 7 حلقوں سے امیدوار سابق وزیرِ اعظم اور پاکستان تحریکِ انصاف (پی ٹی آئی) کے چیئرمین عمران خان نے پولنگ شروع ہونے کے تقریباً 2 گھنٹے بعد پیغام شیئر کر دیا۔

شیخ رشید کا مزید کہنا ہے کہ فضل الرحمٰن سے دم کرا رہے ہیں جو دم پر یقین ہی نہیں رکھتے۔

سابق وزیرِ داخلہ نے یہ بھی کہا کہ آج چور چور قومی نعرہ ہے، آپ باہر نہیں نکل سکتے۔

بشکریہ جنگ