عمران خان اور وسیم اکرم کے پرانے دن
پاکستان کے موجودہ وزیراعظم عمران خان نے سابق کپتان وسیم اکرم کے ساتھ ماضی کی یادگار تصویر سوشل میڈیا پر شیئر کردی۔
سوشل میڈیا پر متحرک رہنے والے عمران خان نے اپنے تصدیق شدہ انسٹاگرام اکاؤنٹ پر وسیم اکرم کے ہمراہ ماضی کی ایک نایاب تصویر شیئر کی ہے۔
انسٹاگرام پر شیئر کی گئی تصویر میں عمران خان اور وسیم اکرم سیڑھیوں پر کھڑے کسی سوچ میں ڈوبے نظر آرہے ہیں۔
تصویر میں دیکھا جاسکتا ہے کہ دونوں کرکٹرز نے موسم سرما کی مناسبت سے لباس زیب تن کیے ہوئے ہیں۔
یہ تصویر وسیم اکرم اور وزیراعظم عمران خان کی جوانی کے دنوں کی ہے۔
عمران خان نے یہ تصویر شیئر کرتے ہوئے کیپشن نہیں لکھا اور اس کے باوجود بھی اُن کی اس پوسٹ پر صرف 17 گھنٹوں میں دو لاکھ سے زائد لائکس آچکے ہیں جبکہ تبصروں کا سلسلہ جاری ہے۔
واضح رہے کہ وزیراعظم عمران خان اکثر اپنے ماضی اور حال کے حسین اور خوبصورت لمحات کو سوشل میڈیا پر شیئر کرتے دکھائی دیتے ہیں جنہیں اُن کے چاہنے والوں کی جانب سے بہت پسند بھی کیا جاتا ہے جبکہ اُن کی ہر پوسٹ پر لاکھوں میں لائکس اور مثبت پیغامات آتے ہیں۔
Comments are closed.