علی بابا گروپ کے بانی جیک ما کی پاکستان آمد

چین کی ملٹی نیشنل کاروباری کمپنی علی بابا کے بانی جیک ما اپنا کٹھمنڈو کا دورہ مکمل کرنے کے بعد پاکستان پہنچ گئے۔

جیک ما مبینہ طور پر جمعرات کو ہانگ کانگ بزنس ایوی ایشن کے ایک چارٹرڈ طیارے پر پاکستان کے لیے سفر پر روانہ ہوئے تھے۔

سابق وزیرِ مملکت اور بورڈ آف انویسٹمنٹ (BOI) کے چیئرمین محمد اظفر احسن نے مائیکرو بلاگنگ ویب سائٹ ٹوئٹر پر انکشاف کیا ہے کہ جیک ما دراصل ایک نجی دورے پر لاہور میں موجود ہیں۔

اُنہوں نے اپنے ٹوئٹ میں لکھا ہے کہ وہ 7 افراد کی ایک ٹیم کے ساتھ پاکستان آئے ہیں جن میں 5 چینی، 1 امریکی اور 1 ڈنمارک کا شہری شامل ہے۔

 اُنہوں نے اپنے ٹوئٹ میں یہ بھی لکھا ہے کہ چین کا سفارت خانہ بھی جیک ما کے دورۂ پاکستان اور یہاں پر ان کی مصروفیات کی تفصیلات سے آگاہ نہیں ہے۔

اس سے قبل جیک ما منگل کی دوپہر کٹھمنڈو پہنچے تھے جہاں انہوں نے دواریکا ہوٹل میں قیام کیا۔ 

کٹھمنڈو میں اپنے قیام کے دوران انہوں نے مختلف مقامات کا سفر بھی کیا، جن میں تھمیل، بھکتا پور، دربار اسکوائر اور کلیمتی سبزی منڈی شامل ہیں۔

بشکریہ جنگ