عطاء اللّٰہ تارڑ سمیت 13 ن لیگی رہنماؤں کی حفاظتی ضمانت منظور

اسلام آباد ہائی کورٹ نے پنجاب اسمبلی ہنگامہ آرائی کیس میں عطاء اللّٰہ تارڑ سمیت مسلم لیگ ن کے 13 رہنماؤں کی حفاظتی ضمانت منظور کر لی۔

اسلام آباد ہائی کورٹ کے قائم مقام چیف جسٹس عامر فاروق نے کیس کی سماعت کی۔

عدالتِ عالیہ نے مسلم لیگ ن کے 13 رہنماؤں کی 14 روزہ حفاظتی ضمانت منظور کی۔

خانیوال کے حلقہ پی پی 206 میں ضمنی انتخاب میں ماحول گرم ہو گیا، پیپلز پارٹی کے امیدوار نے مسلم لیگ نون کے مرکزی ڈپٹی سیکرٹری عطا تارڑ پر حملہ کروانے کی دفعات کے تحت مقدمہ درج کروا یا تو عطا تارڑ نے لاہور ہائی کورٹ ملتان بنچ سے ضمانت قبل از گرفتاری کروا لی ۔

عدالت نے 25، 25 ہزار روپے کے مچلکوں کے عوض ضمانت منظور کرتے ہوئے ن لیگی رہنماؤں کو ضمانتی مچلکے جمع کرانے کا حکم دے دیا۔

بشکریہ جنگ