عسکری سپہ سالار نے اقتصادی سپہ سالار کا کردار ادا کیا ہے، فردوس عاشق

استحکام پاکستان پارٹی کی ترجمان فردوس عاشق اعوان کا کہنا ہے کہ عسکری سپہ سالار نے اقتصادی سپہ سالار کا کردار ادا کیا ہے جس سے تمام سیاستدانوں کو سیکھنے کی ضرورت ہے۔

لاہور میں پریس کانفرنس کرتے ہوئے فردوس عاشق اعوان نے کہا کہ 9 مئی کے واقعات نے ملک کو ہلا کر رکھ دیا، ہماری پارٹی ملک میں سیاسی اور معاشی استحکام لائے گی۔ 

ان کا کہنا تھا کہ ایک شخص اپنی ذات کو آگے رکھتے ہوئے ملکی اداروں اور سلامتی پر حملہ آور ہوا جس کا انجام سب کے سامنے ہے۔ 

فردوس عاشق کا کہنا تھا کہ 14 اگست سے پارٹی کا باقاعدہ آغاز کررہے ہیں، قیام پاکستان اور استحکام پاکستان پارٹی کی سالگرہ اکٹھے منائیں گے۔

بشکریہ جنگ