عدالت کے 17 مئی تک عمران خان کو گرفتار نہ کرنے کے حکم پر عمل ہوگا، رانا ثناء

وفاقی وزیرداخلہ رانا ثناء اللّٰہ نے کہا ہے کہ عمران خان کی گرفتاری سے 17 مئی تک روکا گیا ہے، عدالت کے حکم پر عمل ہوگا۔

جیو نیوز سے گفتگو میں رانا ثناء اللّٰہ نے کہا کہ عدالت نے عمران خان کی کسی بھی مقدمے میں گرفتاری سے روکا ہے تو اس حکم پر عمل کریں گے۔

اسلام آباد ہائیکورٹ نے عمران خان کی پیر کی صبح تک کسی بھی مقدمہ میں گرفتاری سے روک دیا ہے۔

انہوں نے کہا کہ عدالت کے فیصلے کے ہوتے ہوئے عمران خان کی گرفتاری کا جواز ہوا تو ضرور گرفتار کیا جائے گا۔

رانا ثناء اللّٰہ نے مزید کہا کہ اسلام آباد ہائیکورٹ کے 17 مئی تک گرفتاری سے روکنے اور کل سپریم کورٹ میں جو ہوا اس کی بھی کوئی مثال نہیں ملتی۔

انٹرنیٹ کی بحالی سے متعلق سوال پر کہا کہ اگر معاملہ دراز ہوتا ہے تو انٹرنیٹ سروس کے بارے میں دوبارہ وزیراعظم شہباز شریف سے رہنمائی لیں گے۔

بشکریہ جنگ