عثمان ڈار کے پارٹی اور سیاست چھوڑنے پر شعیب شاہین کا تبصرہ

تحریک انصاف کے رہنما شعیب شاہین ایڈووکیٹ نے عثمان ڈار کے پی ٹی آئی اور سیاست چھوڑنے کے اعلان پر تبصرہ کردیا۔

ایک بیان میں شعیب شاہین نے استفسار کیا کہ عثمان ڈار 9 مئی واقعات پر آج تک کیوں خاموش تھے؟ وہ رضاکارانہ بیان دینا چاہتے تھے تو اتنے دن خاموش کیوں رہے؟

عثمان ڈار نے کہا کہ چیئرمین پی ٹی آئی نے گرفتاری سے بچنے کیلئے ہیومن شیلڈ کو استعمال کیا۔

انہوں نے کہا کہ سندھ کے نگراں وزیر داخلہ نے بیان دیا تھا کہ عثمان ڈار گرفتار ہیں۔

 شعیب شاہین نے مزید کہا کہ 9 مئی کے واقعات کی ہم بھی مذمت کرتے ہیں، عثمان ڈار نے بہت کچھ برداشت کیا لیکن برداشت کی بھی ایک حد ہوتی ہے۔

ان کا یہ بھی کہنا تھا کہ پارٹی کے سینئر رہنما اسد عمر نے کبھی نہیں کہا کہ 9 مئی کے واقعات میں چیئرمین تحریک انصاف عمران خان ملوث ہیں۔

بشکریہ جنگ