عثمان بزدار کی عبوری ضمانت میں 10 اپریل تک توسیع
لاہور کی احتساب عدالت نے سابق وزیرِ اعلیٰ پنجاب عثمان بزدار کی عبوری ضمانت میں 10 اپریل تک توسیع کر دی۔
آمدن سے زائد اثاثہ جات کی انکوائری میں عثمان بزدار کی درخواست ضمانت پر احتساب عدالت میں سماعت ہوئی۔
عثمان بزدار کورونا میں مبتلا ہونے کی وجہ عدالت میں پیش نہ ہو سکے۔
عدالت نے عثمان بزدار کی حاضری سے استثنیٰ کی درخواست منظور کر لی۔
احتساب عدالت نے نیب تفتیشی افسر سے انکوائری رپورٹ طلب کر لی۔
واضح رہے کہ نیب نے عثمان بزدار کے خلاف آمدن سے زائد اثاثہ جات کی انکوائری شروع کر رکھی ہے۔
بشکریہ جنگ
Comments are closed.