عام انتخابات سے پہلے چیئرمین پی ٹی آئی کی مشکلات میں اضافہ دیکھ رہا ہوں، منظور وسان

پاکستان پیپلز پارٹی (پی پی پی) کے رہنما منظور وسان کا کہنا ہے کہ عام انتخابات سے پہلے چیئرمین پاکستان تحریک انصاف (پی ٹی آئی) کی مشکلات بڑھتی دیکھ رہا ہوں۔

اپنے بیان میں منظور وسان  نے کہا کہ عوام اور جیالے تیاری کریں، اتوار 28 جنوری کو الیکشن ہوں گے، ہم عوام کی طاقت سے حکومت بنائیں گے۔

 انہوں نے نواز شریف کی واپسی سے متعلق بھی بتادیا۔

منظور وسان نے کہا کہ نواز شریف حالات دیکھ کر پاکستان واپس آئیں گے، اکتوبر میں معلوم ہو جائے گا نواز شریف وطن واپس آ رہے ہیں یا نہیں۔

پی پی رہنما نے کہا کہ احتساب کا عمل الیکشن کے بعد بھی جاری رہے گا، سیاستدانوں اور بیورو کریسی کے ساتھ دیگر کا بھی احتساب ہونا چاہیے۔

بشکریہ جنگ