عامر لیاقت کے پوسٹ مارٹم کیلئے محکمہ صحت کا پولیس سرجن کو خط

محکمہ صحت نے عامر لیاقت حسین کے پوسٹ مارٹم کے لیے پولیس سرجن کو خط لکھ دیا۔

خط کے متن کے مطابق پولیس سرجن سے کہا گیا ہے کہ عدالت نے عامر لیاقت کی موت کی وجہ جاننے کے لیے پوسٹ مارٹم کا حکم دیا ہے۔

کراچی سٹی کورٹ میں جوڈیشل مجسٹریٹ شرقی کی عدالت میں ڈاکٹرعامر لیاقت حسین کے پوسٹ مارٹم کیلئے شہری کی دائر درخواست پر سماعت میں لاش کے پوسٹ مارٹم کا حکم جاری کیا گیا تھا۔

محکمہ صحت نے اپنے خط میں مزید کہا کہ متعلقہ اداروں کو مطلع کیا جائے اور ضروری اقدامات کیے جائیں۔

واضح رہے کہ جوڈیشل مجسٹریٹ شرقی نے عامر لیاقت کے پوسٹ مارٹم کا حکم دیا تھا جس پر عمل درآمد شروع کر دیا گیا ہے۔

بشکریہ جنگ