عامر لیاقت کے سوئم سے متعلق ان کی سابقہ اہلیہ نے بتادیا

دو روز قبل انتقال کر جانے والے ایم این اے عامر لیاقت حسین کے سوئم سے متعلق ان کی پہلی اور سابقہ اہلیہ ڈاکٹر بشریٰ اقبال نے بتادیا۔

ڈاکٹر بشریٰ اقبال نے اپنے ٹوئٹر پیغام میں کہا کہ مرحوم عامر لیاقت کا سوئم اتوار 12 جون کو ان کی رہائش گاہ پر ہوگا۔

عامر لیاقت کی سابقہ اہلیہ نے کہا کہ سوئم شام پانچ بجے، عصر اور مغرب کے درمیان ہوگا، انہوں نے احباب کو شرکت کی دعوت دیتے ہوئے اپنے پیغام میں عامر لیاقت کے گھر کا پتہ بھی لکھا ہے۔

واضح رہے کہ عامر لیاقت حسین کی تدفین عبداللّٰہ شاہ غازی کے مزار کے احاطے میں کی گئی ہے جبکہ نمازِ جنازہ ان کے صاحبزادے احمد عامر نے پڑھائی تھی۔

بشکریہ جنگ