عالمی ادارہ صحت کیجانب سے بھارتی کورونا ویکسین کی برآمدگی معطل

عالمی ادارہ صحت نے بھارت میں تیار کی گئی کورونا ویکسین ’کوویکسن‘ کی برآمدگی معطل کردی ہے۔

بین الاقوامی میڈیا کی رپورٹ کے مطابق، عالمی ادارہ صحت نے ہفتے کے روز اعلان کیا ہے کہ کورونا وائرس سے بچاؤ کے لیے تیار کردہ ویکسین ’کوویکسن‘جوکہ بھارت’بائیوٹیک‘ نے تیار کی ہے، اس کی دیگر ممالک کو ترسیل معطل کردی ہے‘۔

عالمی ادارہ صحت کی جانب سے جاری کردہ بیان میں کہا گیا ہے کہ’بھارت میں تیار کردہ اس ویکسین کا 14 سے 22 مارچ کے دوران معائنہ کیا گیا اور اس دوران اس ویکسین کی تیاری کے عمل میں کچھ خامیاں سامنے آئی ہیں‘۔

مویشیوں میں تیزی سے پھیلتی جِلد کی لمپی اسکن بیماری سے بچاؤ کی ویکسینیشن پاکستان پہنچ گئی ہے۔

بیان میں مزید کہا گیا ہے کہ’ویکسین کے معائنے کے دوران جن خامیوں کی نشاندہی کی گئی، بھارتی کمپنی کی جانب سے ان خامیوں کو دور کرنے کی یقین دہانی کروائی گئی ہے اور کہا گیا ہے کہ کمپنی اس حوالے سے عالمی ادارہ صحت اور ڈرگز کنٹرولر جنرل آف انڈیا کو اپنا منصوبہ جمع کروائے گی ‘۔

عالمی ادارہ صحت نے اپنے بیان میں یہ بھی کہا ہے کہ’ویکسین تیار کرنے والی بھارتی کمپنی کو اپنی سہولیات کو اپ گریڈ کرنے اور ویکسین کے معائنے کے دوران سامنے آنے والی خامیوں کو دور کرنے کا موقع دیا گیا ہے‘۔

بشکریہ جنگ