عالمی ادارہ صحت نے مصنوعی مٹھاس کو صحت کے لیے مضر قرار دے دیا

عالمی ادارہ صحت نے مصنوعی مٹھاس کو صحت کے لیے مضر قرار دے دیا۔

غیرملکی میڈیا کے مطابق عالمی ادارہ صحت نے مصنوعی میٹھے کیمیکلز سے متعلق نئی گائیڈ لائنز جاری کردیں۔

عالمی ادارہ صحت کے مطابق مصنوعی میٹھے کیمیکلز وزن گھٹانے میں قطعاً مددگار نہیں ہیں اور ان کا استعمال دل کی بیماری کا خطرہ بڑھاتا ہے۔

ڈبلیو ایچ او کے مطابق مصنوعی میٹھے کیمیکلز کا استعمال ٹائپ 2 ذیابیطس کا خطرہ بھی بڑھاتا ہے اور ان مصنوعی میٹھے کیمیکلز کی کوئی غذائی افادیت نہیں ہے۔

ڈبلیو ایچ او کا کہنا ہے کہ مصنوعی میٹھے کیمیکلز کے استعمال سے طویل وقت کے لیے وزن کم کرنے میں مدد نہیں ملتی، لوگوں کو چاہیے کہ قدرتی طور پر میٹھی غذاؤں کا استعمال کریں جن میں پھل اور سبزیاں شامل ہیں۔

بشکریہ جنگ