ظہیر عباس بدستور آئی سی یو میں ہیں، بھائی صغیر عباس

سابق ٹیسٹ کرکٹر ظہیر عباس کے بھائی صغیر عباس نے کہا ہے کہ ظہیر عباس بدستور آئی سی یو میں ہیں۔

ان کا کہنا تھا کہ ظہیر عباس کے گردوں کی تکلیف میں کمی نہیں آئی، گردوں کی تکلیف کی وجہ سے ظہیر عباس ڈائیلیسز پر ہیں۔

صغیر عباس نے کہا کہ ظہیر عباس کو آج بھی آکسیجن کے ذریعے سانس دی جارہی ہے۔

انہوں نے بتایا کہ ظہیر عباس سے دو دن پہلے بیٹی نے ویڈیو پر چند منٹ بات کرائی تھی۔

انہوں نے مزید کہا کہ ظہیر عباس کی طبیعت میں مکمل بہتری نہیں آئی، دعاؤں کی درخواست ہے۔

بشکریہ جنگ