طوفان الاقصیٰ آپریشن: حماس نے اسرائیل پر ہزاروں راکٹ داغ دیے، 100 صہیونی ہلاک، سیکڑوں زخمی
مقبوضہ بیت المقدس: فلسطین کی مزاحمتی تنظیم حماس نے طوفان الاقصیٰ کے نام سے اسرائیل کے خلاف آپریشن کا آغاز کرتے ہوئےصہیونی ریاست پر بڑا حملہ کردیا، جس کے نتیجے میں کم از کم 100 اسرائیلی ہلاک اور سیکڑوں زخمی ہو گئے ہیں۔
بین الاقوامی خبر رساں اداروں کی رپورٹ کے مطابق دہائیوں سے فلسطین پر قابض اسرائیل کے مظالم سہنے والے فلسطینی مزاحمت کاروں نے صہیونی ریاست کے خلاف آپریشن طوفان الاقصیٰ کا اعلان کیا۔ اس سلسلے میں مقامی میڈیا کے مطابق حماس نے 5ہزار راکٹ اسرائیل پرداغ دیے، جن کے نتیجے میں 100 صہیونی ہلاک اور 750 سے زیادہ زخمی ہوئے ہیں۔
Israeli so called brave soldiers running away could not even stand against the stones of brave Palestinian.#طوفان_الأقصى #طوفان_القدس #فلسطین #حماس #طوفان_الاقصى #Palestine #Palestinian #Israel #Hamas #TelAviv pic.twitter.com/2VARE00kRX
— Tahir Awan 💦 (@Tahir_Awan000) October 7, 2023
فلسطینی مزاحمت کار آپریشن کا اعلان ہوتے ہی بڑی تعداد میں اسرائیل کی قابض حدود میں داخل ہوئے اور سڑکوں، گلیوں، چوراہوں پر اسرائیلی فوجیوں کے ساتھ جھڑپیں شروع کردیں۔ عالمی میڈیا کے مطابق فلسطینی مجاہدین نے 35 اسرائیلی فوجیوں کو حراست میں لے کر قیدی بنا لیا جب کہ صہیونی فوج کی کئی گاڑیوں پر بھی قبضہ لیا۔ علاوہ ازیں اسرائیلی فوج کے ٹینکوں کو آگ لگا کر تباہ کردیا۔
حماس نے ایک اور اسرائیلی فوجی پوائنٹ کا کنٹرول سنبھال لیا۔
حماس نے بڑی مقدار میں اسرائیلی فوجی سازوسامان قبضے میں لے لیا.#حماس #HamasAttack #طوفان_الأقصى #طوفان_القدس pic.twitter.com/vyCqyVydPx
— RTEUrdu (@RTEUrdu) October 7, 2023
قبل ازیں فلسطینی مزاحمتی تنظیم حماس کے عسکری ونگ القسام بریگیڈ کے سربراہ کمانڈر محمد الضیٖ ابوخالد نے کہا تھا کہ صہیونی ریاست کے مسجد اقصیٰ پر مسلسل حملوں، قبلہ اول کی بے حرمتی، فلسطینیوں کے خلاف مسلسل اشتعال انگیزیوں اور برسوں سے جاری غیر انسانی مظالم کا جواب طوفان الاقصیٰ آپریشن ہے۔
اسرائیلی اور عرب میڈیا کے مطابق حماس کی راکٹ باری کے نتیجے میں صہیونی ریاست کو غیر معمولی بھاری جانی و مالی نقصان ہوا ہے۔ بیشتر علاقے ملبے کا ڈھیر اور آسمان سیاہ دھویں سے بھر چکا ہے جب کہ کئی گاڑیاں جل کر تباہ ہو گئیں۔ صورت حال کو دیکھتے ہوئے اسرائیلی فوج نے حالت جنگ کا اعلان کرتے ہوئے اپنے علاقوں میں خطرے کے سائرن بجا دیے جب کہ صہیونی حکومت نے غزہ پر بم باری شروع کردی ہے۔
Sweets are being distributed in the Lebanese city of Tripoli in celebration of the Palestinian Mujahideen’s attack on Israel.#طوفان_الأقصى #فلسطين #حماس #Gaza #Hamas #Palestinian #Isreal
— Arslan Baloch (@balochi5252) October 7, 2023
دوسری جانب فلسطین بھر میں نوجوان حماس کے مجاہدین کی حوصلہ افزائی کے لیے محاذ پر نکل کھڑے ہوئے ہیں اور جگہ جگہ ان کا استقبال کیا جا رہا ہے۔
Comments are closed.