طورخم سرحد پر کورونا SOPs پر سختی سے عمل درآمد شروع

خیبر کے ڈپٹی کمشنر ارشد منصور نے کہا ہے کہ طورخم سرحد پر کورونا ایس او پیز پر سختی سے عمل درآمد شروع کر دیا گیا ہے، خلاف ورزی کرنے والوں کو پاکستان داخل ہونے سے روک دیا جاتا ہے۔

ڈپٹی کمشنر ارشد منصور کے مطابق طورخم سرحدی گزرگاہ پر مسافروں کے لئے ماسک کا استعمال لازمی قرار دیا ہے، مسافروں کی اسکریننگ بھی کی جارہی ہے۔

کورونا وائرس کی تیسری لہر کا سب سے بڑا وار سامنے آگیا، جس سے پاکستان میں مزید 201 افراد انتقال کر گئے، یہ ملک میں کورونا وائرس سے یومیہ اموات کی سب سے بڑی تعداد ہے۔

انہوں نے بتایا کہ طورخم سرحدی گزرگاہ کے ذریعے یومیہ 10 ہزارسے زائد افراد آمدورفت کرتے ہیں۔

ڈپٹی کمشنر ارشد منصور نے کہا کہ ضلع خیبر میں اس وقت مثبت کیسز کی شرح 6اعشاریہ 84 ہے اور حالیہ لہر میں 168 مریض رجسٹرڈ ہوئے ہیں۔

بشکریہ جنگ