طلال چوہدری نے شہباز گل کو امریکی عدالت کا بھگوڑا کہہ دیا

ن لیگی رہنما طلال چوہدری نے وزیراعظم عمران خان کے معاون خصوصی شہباز گل کو امریکی عدالت کا بھگوڑا کہہ دیا۔

طلال چوہدری نے اسلام آباد سے جاری بیان میں شہباز گل کی پریس کانفرنس پر ردعمل کا اظہار کیا۔

طلال چوہدری نے کہا کہ امریکی عدالت کا بھگوڑا شہباز گل پاکستان میں مشیر بنا بیٹھا ہے۔

وزیراعظم عمران خان کے معاون خصوصی شہباز گل نے کہاہےکہ نوازشریف ملک واپس آئیں، پیسے واپس کریں یا جیل کاٹیں۔

ن لیگی رہنماؤں نے وزیراعظم عمران خان اور چیئرمین قومی احتساب بیورو (نیب) کو مخاطب کرکے کہہ دیا کہ اس بار ہم شہباز شریف کو جیل نہیں جانے دیں گے۔

انہوں نے کہا کہ امریکا میں جس کے خلاف عدالت کا فیصلہ جاری ہوا، وہ پاکستان میں روزانہ غلط زبان استعمال کررہا ہے۔

ن لیگی رہنما نے مزید کہا کہ خواتین کو ہراساں کرنے پر یونیورسٹیوں سے نکالے گئے عناصر پی ٹی آئی کے ترجمان ہیں۔

اُن کا کہنا تھا کہ ایسی حکومت میں خواتین کے حقوق کا تحفظ کیسے ہوگا، جو خواتین کو ہراساں کرنے والوں پرمشتمل ہو۔

بشکریہ جنگ