طاقتور اشرافیہ کے سامنے ادارے بھی بے بس ہیں: سراج الحق

امیرِ جماعتِ اسلامی سراج الحق نے کہا ہے کہ طاقتور اشرافیہ کے سامنے ادارے بھی بے بس نظر آتے ہیں۔

ایک بیان میں سراج الحق نے کہا کہ حکمراں طبقہ اپنے مفاد کی خاطر ہر ادارے کو تباہ کرنے پر تُلا ہوا ہے، ملٹری، اسٹیبلشمنٹ، عدلیہ اور الیکشن کمیشن غیر سیاسی ہو جائیں۔

انہوں نے کہا کہ حکومت ڈنگ ٹپاؤ پالیسی کے تحت چل رہی ہے، حکمراں نااہل اور ناکام ثابت ہو گئے ہیں، حکمراں جماعتوں نے کرسی کے مفاد میں قومی مفاد کو پس پشت ڈال دیا۔

فیصل آباد میں عوامی جلسے سے خطاب میں سراج الحق کا کہنا تھا کہ آج مرکز میں تیرہ جماعتوں کی اور دو صوبوں میں تحریک انصاف کی حکومت ہے۔

سراج الحق کا کہنا ہے کہ جماعتِ اسلامی مہنگائی، بے روزگاری کے خلاف تحریک کو حتمی مرحلے تک لے کر جائے گی۔

ان کا یہ بھی کہنا ہے کہ آئین و قانون پر عمل درآمد سے ہی پاکستان آگے بڑھ سکتا ہے۔

بشکریہ جنگ