ضرورت پڑنے پر انقرہ یورپی یونین سے الگ ہوسکتا ہے، صدر طیب اردوان

ترک صدر رجب طیب اردوان نے کہا ہے کہ ضرورت پڑنے پر انقرہ یورپی یونین سے الگ ہوسکتا ہے۔

ترک صدر اردوان نے اقوام متحدہ کی جنرل اسمبلی میں شرکت کے لیے نیویارک جانے سے قبل استنبول کے اتاترک ہوائی اڈے پر صحافیوں کو بتایا کہ یورپی یونین خود کو ہم سے دور کرنے کی کوشش کر رہی ہے۔

انہوں نے کہا کہ ہم صورتحال کا خود جائزہ لیں گے اور ہم کوئی اور سمت بھی لے سکتے ہیں۔

ترک صدر کا بیان یورپی یونین کی حالیہ رپورٹ کے تناظر میں ہے۔ رواں ہفتے کے آغاز میں پیش کی گئی رپورٹ میں کہا گیا تھا کہ ترکیہ کے 27 رکنی بلاک کے ساتھ الحاق کا عمل موجودہ حالات میں دوبارہ شروع نہیں ہو سکتا۔

بشکریہ جنگ