صدر مملکت عارف علوی دوبارہ کورونا میں مبتلا ہوگئے

صدر مملکت عارف علوی دوبارہ کورونا وائرس میں مبتلا ہوگئے۔

عارف علوی کا کہنا ہے کہ چار، پانچ روز سے میرا گلاخراب تھا، تاہم طبیعت بہتر ہورہی تھی۔

اپنے ٹوئٹر پیغام میں صدر مملکت نے کہا کہ دو رات قبل مجھے ہلکا بخار ہوا۔

عارف علوی نے کہا کہ مجھ میں کورونا کی مزید علامات نہیں ہیں۔

خیال رہے کہ اس سے قبل صدر مملکت عارف علوی کی اہلیہ ثمینہ علوی بھی عالمی وبا کورونا وائرس کا شکار ہوگئی تھیں۔

ثمینہ علوی کو کورونا وائرس 23 ستمبر 2021 میں ہوا تھا۔

بشکریہ جنگ