صدرِ مملکت ڈاکٹر عارف علوی کی اہلیہ کورونا وائرس میں مبتلا

کراچی: صدرِ مملکت ڈاکٹر عارف علوی کی اہلیہ ثمینہ علوی بھی کورونا وائرس میں مبتلا ہوگئیں ہیں، گزشتہ روز کیا جانے والا  کورونا ٹیسٹ مثبت آگیا ہے۔

تفصیلات کے مطابق صدرِ مملکت کی اہلیہ اور خاتوں اول ثمینہ علوی نے اپنے سوشل میڈیا اکاؤنٹ سے جاری بیان میں کہاہےکہ میرا گزشتہ روز ہونے والا کورونا ٹیسٹ مثبت آیا ہے۔

I was tested positive for covid, day before. I have a little bit of weakness but Alhamdulillah doing well otherwise. Request all to keep me in your prayers please.
Thank you.

— Samina Alvi (@Saminalvi) September 23, 2021

ثمینہ علوی نے ٹوئٹ میں کہا ہے کہ ایک دن پہلے میرا کورونا ٹیسٹ مثبت آیا ہے، کورونا کے باعث کمزوری محسوس کررہی ہوں لیکن الحمدللّٰہ خیریت سے ہوں۔

انہوں نے اپنے پیغام میں کہا کہ قوم سے دعاؤں میں یاد رکھنے کی درخواست ہے جبکہ انہوں نے خود کو قرنطینہ کرلیا ہے اور گزشتہ جن جن لوگوں سے ملاقات کی ہے ان سب کو بھی احتیاط کرنے کا کہا گیا ہے۔

واضح رہے پاکستان میں گزشتہ 24 گھنٹوں کے دوران کورونا وائرس کے مزید 2 ہزار 357 کیسز سامنے آئے ہیں اور مزید 58 افراد اس موذی وباء کے سامنے زندگی کی بازی ہار گئے ہیں جبکہ 2 کروڑ 54 لاکھ 93 ہزار 964 افراد کی مکمل ویکسینیشن ہو چکی ہے۔