صادق سنجرانی، پرویز الہٰی کی ملاقات کی اندرونی کہانی

چیئرمین سینیٹ صادق سنجرانی اور حکومتی اتحادی جماعت ق لیگ کے سینئر رہنما پرویز الہٰی کے درمیان ملاقات کی اندرونی کہانی سامنے آگئی۔

ذرائع کے مطابق صادق سنجرانی اور پرویز الہٰی کی لاہور میں ہونے والی ملاقات سوا گھنٹے تک جاری رہی۔

وزیر دفاع پرویز خٹک نے جہانگیر ترین سے حکومت کے رابطوں سے متعلق اظہار لاعلمی کردیا۔

ذرائع کے مطابق اپوزیشن قیادت کی ق لیگی قیادت سے ملاقاتوں کے تناظر میں صادق سنجرانی نے کہا کہ چوہدری صاحب سب کی نظریں آپ کی طرف لگی ہوئی ہیں۔

چیئرمین سینیٹ نے مزید کہا کہ ہماری اور دوسرے لوگوں کی نظریں بھی آپ کی طرف لگی ہوئی ہیں، چوہدری صاحب مہربانی کرکے خیال کریں۔

چیئرمین سینیٹ نے پرویز الہی سے حکومت کے ساتھ رہنے کی درخواست بھی کی۔

بشکریہ جنگ