شیشپر گلیشئر جھیل کی تباہ کاری کے 3 دن بعد بحالی کا کام شروع

شیشپر گلیشئر جھیل کی تباہ کاری کے تین دن بعد بحالی کا کام شروع کر دیا گیا ہے۔

ڈپٹی کمشنر ہنزہ عثمان علی کا کہنا ہے کہ منہدم پل کے پاس مشینری پہنچا دی گئی ہے، 2مقامات پر کام جاری ہے۔

ڈی سی ہنزہ نے بتایا کہ دو روز میں پیدل آمد ورفت کے لیے پل بنایا جائے گا۔

ہنزہ میں حسن آباد کے تباہ ہونے والے پل پر لوہے کے عارضی پل کی تنصیب کا کام شروع نہ ہوسکا۔

دوسری جانب ہنزہ وادی میں آج بھی موسم صاف اور گرم ہے، شیشپر گلیشئر جھیل کی تباہ کاری کے تین دن بعد بحالی کا کام شروع کر دیا گیا ہے۔

واضح رہے کہ ہنزہ کےعلاقےحسن آباد میں شیشپر گلیشئر گرمی کی شدت سے پگھل جانے پر وہاں بننے والی جھیل سے پانی کا بے پناہ اخراج شروع ہوا۔

علاقے میں سیلابی صورتحال پیدا ہوجانے کے سبب حسن آباد کا مرکزی پل ٹوٹ کر سیلابی نالے میں بہہ گیا جس کے سبب شاہراہ قراقرم بند ہوگئی۔

بشکریہ جنگ