شیری رحمان کی عامر میر اور شفقت عمران کی گرفتاری کی مذمت

 پاکستان پیپلز پارٹی کی رہنما سینیٹر شیری رحمان نے عامر میر اور شفقت عمران کی گرفتاری کی مذمت کی ہے۔

شیری رحمان  کا کہنا تھا کہ  صحافیوں کی غیر قانونی گرفتاریاں قابل تشویش ہیں،عامر میر اور شفقت عمران نے کیا گناہ کیا ہےجوگرفتارکیا گیا۔

انہوں نے کہا کہ کیا گرفتاری کے لیے قانونی تقاضے پورے کیے گئے تھے؟

پیپلز پارٹی کی رہنما نے کہا کہ موجودہ حکومت میں صحافیوں کی گرفتاریاں، تشدد معمول بن چکاہے۔

ان کا کہنا تھا کہ حکومت ایف آئی اے کےذریعےصحافیوں کو ہراساں کررہی ہے۔

شیری رحمان نے کہا کہ عامر میر اور شفقت عمران کو جلد از جلد رہا کیا جائے۔

بشکریہ جنگ