شیروں کو بھینس پر حملہ کرنا مہنگا پڑ گیا، ویڈیو وائرل

سوشل میڈیا پر ایک ویڈیو وائرل ہو رہی ہے جس میں دیکھا جاسکتا ہے کہ شیرنی دیگر شیروں کے ساتھ ایک کمزور بھینس پر حملہ آور ہوتی ہے۔

شیرنیوں نے بھینس کو پکڑ تو لیا لیکن وہ اس پر قابو پانے میں کامیاب نہ ہو سکیں کیونکہ شیرنی کے لیے بھینس کو مار کر کھانا آسان نہیں ہے۔

ویڈیو میں دیکھا جا سکتا ہے کہ بڑی تعداد میں شیر اور شیرنیاں بھینس کو گھیرے ہوئے تھیں جن میں سے 2 نے بھینس پر چھلانگ لگاتے ہوئے اپنے نوکیلے اور تیز دانت اس کی پشت پر گاڑ دیے۔

یہ خوفناک منظر دیکھ کر لگتا ہے کہ اب یہ بھینس کسی صورت بچ نہیں پائے گی اور ایسا محسوس ہوتا ہے کہ بھینس کا کھیل ختم ہوگیا اور یہ بھوکے شیروں کا نوالہ بن جائے گی۔

اچانک صورتِ حال بدلتی ہے اور بھینسوں کا ایک ریوڑ شیروں پر حملہ آور ہوتا ہے جس سے شیروں کے پاؤں اکھڑ جاتے ہیں اور وہ بھاگ کر اپنی جان بچانے میں ہی عافیت سمجھتے ہیں۔

بشکریہ جنگ