شیروانی واپس لٹکانے کا وقت ہوا چاہتا ہے، شاہ محمود قریشی کا الیکشن کمیشن کے فیصلے پر ردّعمل

پاکستان تحریک انصاف کے رہنما اور سابق وزیر خارجہ شاہ محمود قریشی کی جانب سے الیکشن کمیشن کے فیصلے پر ردّعمل سامنے آگیا ہے۔

شاہ محمود قریشی نے اپنے ٹوئٹ میں لکھا کہ ’دیر آید درست آید! بالاخر الیکشن کمیشن نے لوٹوں کو کیفرِ کردار تک پہنچا دیا۔‘

اُنہوں نے طنزیہ انداز میں لکھا کہ ’جعلی وزیراعلیٰ صاحب! شیروانی واپس لٹکانے کا وقت ہوا چاہتا ہے۔‘

واضح رہے کہ پاکستان تحریک انصاف کے 25 منحرف ارکان پنجاب اسمبلی کو ڈی سیٹ کر دیا گیا۔

چیف الیکشن کمشنر سکندر سلطان راجہ نے محفوظ کیا گیا فیصلہ سنایا ہے۔

چیف الیکشن کمشنر نے فیصلے میں کہا کہ منحرف ارکان پنجاب اسمبلی سے متعلق فیصلہ اتفاق رائے سے کیا گیا ہے۔

الیکشن کمیشن نے پی ٹی آئی منحرف ارکان کے خلاف ریفرنس منظور کرلیا ہے۔

بشکریہ جنگ