شیرنی کا اپنے رکھوالے کیساتھ محبت کاخطرناک اظہار

سوشل میڈیا پلیٹ فارمز پر ایک دل کو چھو لینے والی ویڈیو وائرل ہے جس میں خوں خوار جنگلی جانور شیرنی کو اپنے رکھوالے کے ساتھ بے لوث محبت کا  اظہار کرتے ہوئے دیکھا جا سکتا ہے۔

وائرل ویڈیو میں شیرنی اور اُس کے رکھوالے کے درمیان دوستی کا خوبصورت رشتہ انٹرنیٹ صارفین کو خوب بھا گیا ہے۔

میڈیا رپورٹس کے مطابق شیرنی کو سالہا سال پالنے والے رکھوالے نے محض آ کر اُس کے پنجرے کا دروازہ کھولا ہی تھا کہ شیرنی نے بلا تکلف اُس کے اوپر چھلانگ لگا دی۔

یہ منظر بے شک دل دہلا دینے والا ہے مگر چونکہ رکھوالے کو پتہ ہے کہ شیرنی محبت میں ایسا کر رہی ہے تو وہ بھی پیچھے ہٹنے کے بجائے اپنی دوست شیرنی کو پیار کر رہا ہے اور اُس سے گلے مل رہا ہے۔

ویڈیو میں نظر آنے والے ’ویل گروینر‘ نامی شخص کی جانب سے اپنی اس دوست کے ساتھ سوشل میڈیا اکاؤنٹ انسٹا گرام پر اکثر اوقات ہی تصویریں اور ویڈیوز شیئر کی جاتی رہتی ہیں جنہیں دیکھ کر انٹرنیٹ صارفین حیران اور اس دوستی پر اش اش کرتے ہوئے نظر آ تے ہیں۔

بشکریہ جنگ