شیخ رشید کی اپنے بھتیجے کی گرفتاری کی مذمت

سابق وفاقی وزیر اور عوامی مسلم لیگ کے سربراہ شیخ رشید احمد نے اپنے بھتیجے کی گرفتاری کی مذمت کی ہے۔

جیو نیوز سے گفتگو میں کرتے ہوئے شیخ رشید نے کہا کہ مقدمے کے اندراج کے بعد ڈیڑھ سو افراد کے گھروں پر چھاپے مارے جارہے ہیں، حکومت انتقام پر اتر آئی ہے۔

انہوں نے کہا کہ یہ لوگ جہاں بھی جائیں گے ان کے خلاف نعرے لگیں گے، لوگ انڈے ٹماٹر ماریں گے۔

شیخ رشید کا کہنا تھا کہ ہم میں سے کوئی سعودی عرب میں نہیں تھا پھر بھی مقدمہ درج کیا گیا ہے۔

تحریک انصاف کے رہنما فواد چودھری نے کہا کہ ابھی تو لانگ مارچ کا اعلان ہوا ہے، آپ ابھی سے گھبرا گئے ہیں۔

انہوں نے کہا کہ آپ نے اب گھبرانا ہے، عوام کا سمندر آپ کو بہالے جانے کیلئے تیار ہے، جب دماغ سن ہوجائے تو ایسی اوچھی حرکتیں ہوتی ہیں۔

بشکریہ جنگ