شیخ رشید کا یومِ دفاع پاکستان پر خصوصی پیغام

وزیر داخلہ شیخ رشید کی جانب سے یومِ دفاع پاکستان پر خصوصی پیغام جاری کیا گیا ہے۔

شیخ رشید نے اپنے پیغام میں کہا کہ 6 ستمبر 1965ء کو بھارت نے پاکستان کی سر زمین پر اپنے ناپاک قدم رکھنے کو کوشش کی تھی۔

اُنہوں نے کہا کہ پاک فوج اور عوام نے سیسہ پلائی دیوار بن کر جوش و جذبے سے دشمن کا مقابلہ کیا۔

وزیر داخلہ کا مزید کہنا تھا کہ پاکستان کی افواج سے تین گنا بڑی بھارت افواج پاکستان میں شکست سے دوچار ہوئی۔

واضح رہے کہ ملک بھر میں یوم دفاع آج بھرپور ملی جوش و جذبے سے منایا جا رہا ہے، مسلح افواج کے غازیوں اور شہداء کو قوم کا سلام اور خراجِ عقیدت پیش کیا جارہا ہے۔

بشکریہ جنگ