شیخوپورہ: چھوٹے بھائی کے چھری کے وار، بڑا بھائی قتل

شیخوپورہ کی آبادی بھنڈور میں خاتون سے مبینہ تعلقات سے منع کرنے پر چھوٹے بھائی نے چھری کے وار کر کے اپنے بڑے بھائی کو قتل کر دیا۔

پولیس تھانہ صدر فاروق آباد کے مطابق ملزم غلام باہو نے اپنے بھائی غلام دستگیر کے پیٹ میں چھریاں ماریں، جس سے وہ شدید زخمی ہو گیا۔

اسے لاہور جنرل اسپتال ریفر کیا گیا، جہاں وہ دم توڑ گیا، مقتول غلام دستگیر کے دوسرے بھائی محمد احمد کی درخواست پر مقدمہ درج کر لیا گیا ہے۔

ایف آئی آر میں غلام باہو اور ایک خاتون صفیہ بی بی کو نامزد کیا گیا ہے۔

ایس ایچ او تھانہ صدر فاروق آباد کے مطابق خاتون کو حراست میں لے کر تفتیش کی جا رہی ہے جبکہ ملزم کی گرفتاری کے لیے چھاپے مار رہے ہیں۔

بشکریہ جنگ