شہزادہ ولیم اور کیٹ مڈلٹن کا یوکرین کے عوام سے اظہارِ یکجہتی

ڈیوک اینڈ ڈچز آف کیمبرج، شہزادہ ولیم اور کیٹ مڈلٹن نے یوکرین کے عوام کے ساتھ یکجہتی کا اظہار کیا ہے۔

شہزادہ ولیم اور کیٹ مڈلٹن نے اپنے آفیشل سوشل میڈیا اکاؤنٹس پر، روس اور یوکرین کے درمیان تنازعہ پر اپنا بیان جاری کیا ہے۔

اُنہوں نے اپنے بیان میں لکھا ہے کہ’اکتوبر 2020 میں ہمیں صدر زیلنسکی اور خاتون اوّل سے ملنے اور یہ جاننے کا اعزاز حاصل ہوا کہ وہ یوکرین کے مستقبل کے لیے پرامید ہیں اور مثبت سوچ کے حامل ہیں‘۔

برطانوی شہزادہ ولیم اور کیٹ مڈلٹن کے لیے دورۂ پاکستان بہت مددگار ثابت ہوا۔

اُنہوں نے یوکرین کے عوام سے اظہارِ یکجہتی کرتے ہوئےلکھا کہ’ہم یوکرین کے صدر اور تمام لوگوں کے ساتھ کھڑے ہیں کیونکہ وہ اس مستقبل کے لیے بہادری سے لڑ رہے ہیں‘۔

خیال رہے کہ ڈیوک اور ڈچز آف کیمبرج کا یہ بیان اس وقت سامنے آیا، جب شہزادہ ہیری اور میگھن کے یوکرین کے بیان کو ’پروٹوکول کی خطرناک خلاف ورزی‘ قرار دیا گیا تھا۔

بشکریہ جنگ