شہداء کی جان کی کوئی قیمت نہیں ہوتی، وزیراعلیٰ سندھ

وزیراعلیٰ سندھ سید مراد علی شاہ نے کہا کہ سندھ حکومت مواچھ گوٹھ سانحے میں شہید ہونے والوں کے لواحقین کو 10 لاکھ روپے فی کس مالی امداد فراہم کرے گی اور تمام زخمیوں کے علاج و معالجے کے اخراجات بھی اٹھائے گی۔

سید مراد علی شاہ نے کہا کہ شہداء کے جان کی کوئی قیمت نہیں ہوتی یہ انتہائی افسوسناک واقعہ ہے۔

انہوں نے کہا کہ حکومت سندھ آزمائش کی اس گھڑی میں اپنے متاثرہ شہریوں کی مدد اپنی ذمہ داری سمجھتی ہے۔

وزیراعلیٰ سندھ نے یقین دلاتے ہوئے کہا کہ سندھ حکومت واقعے میں ملوث دہشتگردوں کو گرفتار کر کے کیفر کردار تک ضرور پہنچائے گی۔

بشکریہ جنگ