شہباز گِل کی درخواستِ ضمانت کی سماعت 15 ستمبر تک ملتوی
اسلام آباد ہائی کورٹ نے پی ٹی آئی رہنما شہباز گِل کی درخواستِ ضمانت کی سماعت 15 ستمبر تک ملتوی کر دی۔
دورانِ سماعت اسپیشل پراسیکیوٹر نے عدالت سے استدعا کی کہ بتایا گیا تھا کہ 14 ستمبر کو سماعت ہے، اب کل سماعت رکھ لیں۔
شہباز گِل کے وکیل نے عدالتِ عالیہ سے استدعا کی کہ لاہور سے اس کیس کے لیے آئے ہیں، کل نہیں پھر سماعت 15 ستمبر کو رکھ لیں۔
اسلام آباد ہائی کورٹ نے شہبازگِل کے وکیل کی استدعا منظور کرتے ہوئے درخواستِ ضمانت پر دلائل 15 ستمبر کو طلب کر لیے۔
بشکریہ جنگ
Comments are closed.