شہباز گِل کا جسمانی ریمانڈ مسترد کرنے کیخلاف نظرِ ثانی کی اپیل پر سماعت ملتوی

اداروں کے خلاف بغاوت پر اکسانے کے الزام میں گرفتار پی ٹی آئی رہنما شہباز گِل کا جسمانی ریمانڈ مسترد کرنے کے خلاف نظرِ ثانی کی اپیل پر سماعت 2 بجے تک ملتوی کر دی۔

اسلام آباد کی عدالت کے ایڈیشنل سیشن جج محمد عدنان خان نے کیس کی سماعت کی۔

عدالت نے پراسیکیوٹر رانا حسن عباس کو 2 بجے تک تیاری کر کے پیش ہونے کا حکم دے دیا۔

جج نے ہدایت کی کہ درخواست قابلِ سماعت ہے یا نہیں، آپ دلائل دیں، میں اس نظرِ ثانی کی اپیل پر سماعت ہی نہیں کر سکتا۔

اسلام آباد کی عدالت نے نظرِثانی کی اپیل پر سماعت 2 بجے تک ملتوی کر دی۔

بشکریہ جنگ