شہباز گل کی گرفتاری الیکشن کمیشن کے حکم پر عمل میں آئی
پاکستان تحریک انصاف (پی ٹی آئی) کے رہنما شہباز گل کی گرفتاری الیکشن کمیشن کے حکم پر عمل میں آئی، الیکشن کمیشن نے چیف سیکریٹری اور آئی جی پنجاب کو مراسلہ بھیجا تھا۔
الیکشن کمیشن نے اپنے مراسلے میں لکھا کہ شہباز گل کو ضابطہ اخلاق کی خلاف ورزی پر گرفتار کیا جائے۔
مراسلے میں کہا گیا کہ شہباز گل نے الیکشن کمیشن کے ضابطہ اخلاق کی شق 15 اور 16 کی خلاف ورزی کی۔
الیکشن کمیشن کے مراسلے میں کہا گیا تھا کہ شہباز گل مظفر گڑھ میں نقص امن کا باعث بن رہے ہیں۔
مراسلے میں کہا گیا کہ پولیس، انتظامیہ شہباز گل کو گرفتار کر کے الیکشن کمیشن کے احکامات پر عمل درآمد یقینی بنائے۔
واضح رہے کہ مظفر گڑھ میں پنجاب پولیس نے ایکشن لیتے ہوئے پی ٹی آئی رہنما شہباز گِل کو گرفتار کیا۔
مظفر گڑھ کی فیکٹری میں موجود پی ٹی آئی رہنما شہباز گِل کے ساتھ فرنٹیئر کانسٹیبلری جیسی وردی والے پرائیویٹ مسلح سیکیورٹی گارڈز کی موجودگی کی اطلاع پر پنجاب پولیس نے ایکشن لیا تھا۔
پولیس کا کہنا تھا کہ ایف سی اہلکاروں کو واپس بھیجنے کے لیے آئے ہیں۔
شہباز گِل سے پولیس اہلکار کافی دیر تک بات کرتے رہے تاہم کافی بحث و تکرار کے بعد شہباز گِل کو گرفتار کیا گیا۔
Comments are closed.