شہباز گل کی اسلحہ برآمدگی کے کیس میں ضمانت منظور

ڈسٹرکٹ اینڈ سیشن کورٹ اسلام آباد نے پاکستان تحریک انصاف کے رہنما شہباز گل کی اسلحہ برآمدگی کے کیس میں ضمانت منظور کر لی۔

ڈیوٹی مجسٹریٹ نصیر الدین نے شہباز گل کی ضمانت کی درخواست پر فیصلہ سناتے ہوئے انہیں پچیس ہزار روپے کے ضمانتی مچلکے جمع کرانے کا حکم دیا ہے۔

شہباز گل نے اپنے بیان میں کہا کہ یہ پستول میرا نہیں ہے۔

شہباز گل کی جانب سے وکیل علی بخاری نے عدالت میں دلائل دیے تھے۔

یاد رہے کہ چند روز قبل اسلام آباد پولیس نے پارلیمنٹ لاجز میں شہباز گل کے کمرے پر چھاپہ مارا تھا جہاں سے سیٹیلائٹ فون اور پستول سمیت کئی اشیاء برآمد کی گئی تھیں۔

بشکریہ جنگ