شہباز گل پمز منتقل، معائنے کیلئے میڈیکل بورڈ تشکیل

بغاوت کے مقدمے میں گرفتار پاکستان تحریک انصاف (پی ٹی آئی) کے رہنما اور سابق وزیر اعظم عمران خان کے چیف آف اسٹاف  شہباز گل کو اڈیالہ جیل سے  پمز اسپتال منتقل کردیا گیا۔

ذرائع کا کہنا ہے کہ پولیس افسر نے اڈیالہ جیل کی انتظامیہ کو انتباہ کیا کہ ملزم حوالے نہ کرنا عدالتی احکامات اور قانون کی خلاف ورزی ہوگی۔

شہباز گل کے معائنے کیلئے میڈیکل بورڈ تشکیل دے دیا گیا، بورڈ میں 5 پروفیسرز ڈاکٹرز شامل ہیں، بورڈ میں نیورو، سرجری، کارڈیک، میڈیسن، آرتھوپیڈک کے پروفیسر ڈاکٹرز شامل ہیں۔

ذرائع کا کہنا ہے کہ شہباز گل کو ایمبولینس سے اسٹریچر پر اسپتال منتقل کیا گیا، شہباز گل کو آکسیجن لگی ہوئی ہے۔

یاد رہے کہ اڈیالہ جیل سے اسپتال منتقل کرنے کے بعد شہباز گل کے طبی معائنہ کے لیے پمز اسپتال میں ڈاکٹروں کو طلب کیا گیا تھا، ‏شہباز گل کو اسلام آباد پولیس کے تفتیشی افسر طلعت محمود کےحوالے کیا گیا تھا۔

بشکریہ جنگ