شہباز گل پر تشدد سے متعلق پولیس کا موقف سامنے آگیا

پاکستان تحریک انصاف (پی ٹی آئی) کے رہنما اور سابق وزیر اعظم عمران خان کے چیف آف اسٹاف شہباز گل پر تشدد کے حوالے سے اسلام آباد پولیس کا موقف سامنے آ گیا۔

ذرائع کا کہنا ہے کہ پولیس افسر نے اڈیالہ جیل کی انتظامیہ کو انتباہ کیا کہ ملزم حوالے نہ کرنا عدالتی احکامات اور قانون کی خلاف ورزی ہوگی۔

ترجمان اسلام آباد پولیس کا کہنا ہے کہ ملزم شہباز گل پرجسمانی ریمانڈ کے دوران کسی قسم کا کوئی تشدد نہیں کیا گیا، ملزم نے نہ ہی عدالت میں پیش کرنے پر کوئی ایسی بات کی۔

ترجمان اسلام آباد پولیس کا کہنا ہے کہ شہباز گل کا باقاعدہ میڈیکل کروایا گیا، کوئی تشدد نہیں ہوا۔

پولیس کا کہنا ہے کہ عدالتوں اور معزز ججز نے میڈیکل کا باقاعدہ معائنہ کیا۔

ترجمان نے کہا کہ اسلام آباد پولیس تشدد سے متعلق تمام الزامات کی تردید کرتی ہے۔

بشکریہ جنگ