شہباز گل نے احسن اقبال سے تربیت سے متعلق سوالات پوچھ لیے
پاکستان تحریک انصاف (پی ٹی آئی) کے مرکزی رہنما شہباز گل نے وفاقی وزیر احسن اقبال پر سوالات کی بوچھاڑ کردی۔
اسلام آباد میں پریس کانفرنس کے دوران شہباز گل نے احسن اقبال کے ساتھ پیش آئے واقعے پر وفاقی وزیر کے رد عمل پر جواب دیا۔
انہوں نے کہا کہ احسن اقبال ہر چیز کا کریڈٹ لینے کی کوشش کرتے ہیں، خود کے ساتھ پیش آئے واقعے کو انہوں نے عمران خان کی تربیت کا نتیجہ قرار دیا ہے۔
پی ٹی آئی رہنما نے مزید کہا کہ احسن اقبال آپ لوگوں نے 1988ء میں تصاویر پھنکوائی تھیں، پوچھتا ہوں کیا آپ کی تربیت بھی عمران خان نے کی ہے؟
اُن کا کہنا تھا کہ دراصل عوام کو آپ پر بہت غصہ ہے، ایک بار ہمیں مریم نواز نے کہا تھا کہ پبلک میں جانا تو ہیلمٹ پہن کر جانا۔
شہباز گل نے استفسار کیا کہ گلو بٹ نے گاڑیاں توڑی تھیں، کیا یہ تربیت بھی عمران خان نے کی تھی؟
انہوں نے کہا کہ آپ غریب کو چائے پینا چھوڑنے کا کہہ رہے ہیں لیکن خود امپورٹڈ کافی پی رہے ہیں اور پھر بے عزتی بھی کروا رہے ہیں، کیا عمران خان نے آپ کو ایسا کرنے کا کہا ہے؟
پی ٹی آئی رہنما نے یہ بھی کہا کہ آپ نے ہمارے کارکن کو لاہور میں پولیس کے ہاتھوں قتل کروایا، پوچھنا تھا ماڈل ٹاؤن میں خواتین اور بچوں کے قتل عام کی تربیت کیا عمران خان نے کی تھی؟
اُنہوں نے سوال اٹھایا کہ فیصل آباد میں آپ نے بچے کو پولیس سے پکڑوایا، 25 جون کو جو ہوا کیا اُس کی تربیت بھی عمران خان نے کی تھی؟
شہباز گل نے استفسار کیا کہ سلیمان شہباز نے کہا کہ ان عورتوں کو جوتے مارے جائیں، پوچھتا ہوں کیا یہ تربیت بھی عمران خان نے کی ہے؟
Comments are closed.