شہباز شریف کیساتھ ملکہ کی آخری رسومات میں کون گیا تھا؟
برطانیہ کی ملکہ الزبتھ دوم کی آخری رسومات گزشتہ روز ویسٹ منسٹر ایبے میں ادا کی گئیں، جس میں وزیرِ اعظم شہباز شریف سمیت دنیا بھر سے تقریباً 500 معززین کو شرکت کی دعوت دی گئی تھی۔
وزیرِ اعظم کے ہمراہ ملکہ الزبتھ دوم کی آخری رسومات میں شہباز شریف کے بڑے بیٹے سلیمان شہباز کی اہلیہ نے شرکت کی تھی۔
سلیمان شہباز کی اہلیہ زینب سلیمان نے سماجی رابطے کی سائٹ ٹوئٹر پر وزیرِ اعظم شہباز شریف ساتھ تصویر شیئر کی ہے۔
زینب سلیمان نے اپنے پیغام میں کہا کہ آپ کے ساتھ ملکہ الزبتھ دوم کی آخری رسومات میں جانا میرے لیے اعزاز کی بات ہے۔
واضح رہے کہ برطانیہ کی ملکہ الزبتھ دوم کی آخری رسومات گزشتہ روز ویسٹ منسٹر ایبے میں ادا کی گئی تھیں۔
ملکہ کی آخری رسومات میں امریکا، کینیڈا، فرانس سمیت دنیا بھر سے تقریباً 500 معززین نے شرکت کی تھی۔
بشکریہ جنگ
Comments are closed.