شہباز شریف کا سراج الحق، محمود اچکزئی سے رابطہ
مسلم لیگ نون کے صدر اور قومی اسمبلی میں قائدِ حزبِ اختلاف میاں شہباز شریف نے مختلف سیاسی رہنماؤں سے ٹیلی فونک رابطے کیئے ہیں۔
میاں شہباز شریف نے امیرِ جماعتِ اسلامی سراج الحق اور چیئرمین پشتون خوا میپ محمود خان اچکزئی سے ٹیلی فون پر رابطہ کیا ہے۔
دونوں رہنماؤں سے گفتگو کے دوران شہباز شریف نے پارلیمنٹ کے مشترکہ اجلاس کی حکمتِ عملی اور نیب ترمیمی آرڈیننس سے متعلق مشاورت کی۔
قائدین نے مہنگائی کے خلاف پارلیمنٹ کے اندر اور باہر بھرپور ردِ عمل دینے اور مشترکہ حکمتِ عملی اپنانے کی شہباز شریف کی تجویز سے اتفاق کیا۔
قائدین نے کہا کہ نیا پاکستان مہنگا ترین پاکستان بن چکا ہے، پی ٹی آئی عوام کے لیئے پریشانی، تکلیف اور انتقام بن چکی ہے۔
قائدین نے نیب قانون کو پارلیمنٹ کے اندر اور باہر چیلنج کرنے کے لائحہ عمل پر تبادلۂ خیال بھی کیا۔
بشکریہ جنگ
Comments are closed.