شہباز آج بھی معیشت کے حوالے سے غلط ہیں، حماد اظہر

وزیر توانائی حماد اظہر نے کہا ہے کہ شہباز شریف پہلے بھی غلط تھے اور آج بھی معیشت کے حوالے سے غلط ہیں، مہنگائی پر سیاست کرنا درست نہیں ہے۔

اپنے بیان میں حماد اظہر نے کہا کہ موجودہ حکومت نے ن لیگ کی پالیسیوں کو رد کرکے معیشت کو بہتر کیا ہے۔

قائد حزب اختلاف شہباز شریف کے بیان پر جواب دیتے ہوئے حماد اظہر کا کہنا تھا کہ عالمی بنک کی رپورٹ کے مطابق پاکستان میں غربت میں کمی آئی ہے، معیشت کی شرح 5 فیصد سے ترقی کررہی ہے، ملک میں بےروزگاری کم ہورہی ہے۔

بشکریہ جنگ